نفسى اصرخ باللى جوايا

نفسى اصرخ باعلى صوتى
بالاهات اللى جوايا مكتومه
قلبى مبقاش يساع كل اللى
جواه من حزن ودموع مكتومه
ياعينى ابكى كفايه كتمان لدمعتك
خلاص مش قادره تستحملى الدموع
المخزونه انا انسانه مش قادره تستحمل
كل اللى شوفته يهد جبال وانا واقفه وصلبه
طولى تعبت من كتر ماملكت نفسى
واستحملت كفايه تحمل تعبت من المخزون
نفسى انفجر واحكى واقول لكن للاسف
باكون مدبوحه وباضحك وعنيا بالدموع مليانه
ومن كتر الضحك بانسى نفسى وباقنعها ان
انا فرحانه لكن نفسى تقولى بتضحكى عليا انا داانا
وانتى بس اللى حاسين بالانين ابكى وانفجرى
كفايه تبانى قويه بالضحك دا الضحك تعب من كتر
حزنك لامتى حتفضلى مخبيه وحتبقى قويه على
نفسك ثورى على اللى جواكى وكفايه تحمل
خرجى الحزن يمكن ساعتها ترتاحى خرجيه
ومتقلقيش مش حاقول انك مش قويه انتى بجد
استحملتى كتير فلازم فى يوم كنت متوقعه منك
الانفجار لكن اليوم ده طول لغاية ماقولت ان اليوم
ده محال خلاص يانفسى انا حاصرخ وانفجر مش
قادره استحمل الانتظار قولت يمكن الفرحه تجى
لكن اليوم ده مااظنش حيحصل خلاص راح زمن الفرح
وعدى خلاص اللى زيى عمرها محتشوف الفرحه خلاص