صعبان عليه منك يارب

صعبان عليا منك ماهو برضو اخويا
شفتك جاثم فوق الارض افتكرتك ابويا
صعبان عليا منك ياربى
ماأنت الى خالق رقه قلبى
مانت خالق فيا دموع
تنزل لو اخويا يجوع
لو هجر بعيد عنى
اتمنى فى يوم ينوى رجوع
يرضيك برضه ايده فى ناحيه
ورجله فى ناحيه وصوته ساكت مش مسموع
صعبان عليا منك ياربى
اختى الحلوه
فين ملامحها
فين عيونها
واحد قالى ديه انفجرت
فوق الكوع
صوتها الحلو فى التسابيح
جوه فى ودنى يبقى مريح
سكتت فجأه؟
لا بجد صعبان عليا يارب
اوعى تشيلنا من نقشه ايدك
دا أحنا ولادك ومش عبيدك
غضب عنى دمعه وفرت جوه الننى
وصوت تفجير كسر راسى وهايجننى
اوعى تزعل منى يارب
دا انت حنين داانت الاب
اغضب مره
وجيبلى حقى
وحق الاخ والاخت والاب
منقول
اذكرونا ف صلواتكم ربنا يحافظ عليكم دايما

حلو اوى الموضوع ده وبيبينلنا حنان ربنا وهو بجد مش حيسكت على حقنا

ميرسى على مرورك الجميل